साउन ९ पर्वत । गण्डकी प्रदेशका सामाजिक बिकास मन्त्री नरदेबी पुनले सरकारी डाक्टरलाई काममै खटाउन समस्या भएको गुनासो गर्नुभएको छ । पर्वत अस्पताल बिकास समितिले हिजो आयोजना गरेको भेटघाट कार्यक्रममा बोल्दै सामाजिक बिकास मन्त्री पुनले डाक्टरले बिरामी जाँच्न ठाउँमा जानै नखोज्दा काममा खटाउन कठिन भएको गुनासो गर्नुभएको हो ।

राज्यको सुबिधामा पढेका डाक्टर समेत काम खटाएको ठाउँमा नजानका लागि न्वारन देखिको बल लगाउने गरेको अनुभब सुनाउँदै मन्त्री पुनले सरकारको सुबिधामा पढेपछि राज्यका लागि पनि योगदान गर्नुपर्ने धारणा राख्नुभयो ।

डाक्टरहरु सघ अन्र्तगत रहेकाले पनि प्रदेश सरकारले आवश्यकताका आधारमा जनशक्ति खटाउन समस्या परेको बताउँदै आएका छन । प्रदेश सरकारले बजेट बिनियोजन गर्ने समयमा धेरै अस्पतालहरु संघ र स्थानिय तह अन्र्तगत रहेको र अहिले प्रदेश मातहत जाँदा बजेट ब्यबस्थापनमा समस्या भएको पनि बताउनुभयो ।

पर्वत अस्पताल बिकास समितिका अध्यक्ष गोबिन्द पहाडीले पर्वत अस्पतालमा जनशक्ति अभाब भएको, औषधी खरिदका लागि नगरपालिकालाई बजेट दिइएकाले समस्या भएको,  डाक्टर र अन्य स्वास्थ्यकर्मीका लागि आवास सुबिधा नहुदा नियमित काममा खटाउन समस्या परेको बताउनुभयो । अस्पतालमा एम्बुलेन्स चालक नहुँदा काममा समस्या भएको लगायतका समस्या अस्पतालका तर्फबाट निमित्त सुपरिटेण्डेन्ट डा. सन्तोषी थपलियाले राख्नुभएको थियो ।