Correspondent, ParbatNepal
4 years ago
886
साजन परियार
भदौ ३१, पर्वत । मस्तिष्क पक्षघात रोगबाट पीडित पर्वतकी एक महिलालाई जापानवाट सहयोग प्राप्त भएको छ । पर्वतको बिहादी गाउँपालिका–३ रानीपानी निवासी गोमादेवी पराजुलीलाई पर्वत समाज जापानले १ लाख रुपैयाँ सहयोग गरेको हो ।
उपचाररत महिलाको उपचार्थ सहयोग पु¥याउने उद्देश्यले पर्वत समाज जापानका पदाधिकारी तथा अन्य समाजसेवी महानुभावबाट संकलित उक्त रकम विरामीलाई प्रदान गरिएको समाजका उपाध्याक्षका हरि पराजुलीले जानकारी दिनभुयो । पीडित पराजुलीको उपचार्थ सामाजिक सञ्जालमा अपील गरेको देखेर आफुहले सहयोग संकलन गरेको समाजका उपाध्याक्ष पराजुलीले बताउनु भयो ।
साथै उहाँले पर्वत समाज जापानले अप्ठ्यारोमा परेका व्यक्तिलाई मात्र नभई भैईपरि आउने समस्यावाट पीडित बनेका नेपालीहरुलाई सहयोग गदै आएको बताउनु भयो । पीडित पराजु्ली एक महिनादेखी काठमाडौँ बाँसबारीस्थित न्यूरो अस्पतालमा मस्तिष्क पक्षघात रोगबाट पीडित भई हाल आईसू कक्षमा उपचाररत छिन् । अस्पतालमा दैनिक ३० हजार रुपैयाँ बुझाउनुपर्ने बाध्यत्मक परिस्थिती रहेको परिवारले जनाएको छ । घरको आर्थिक स्थिती निकै कमजोर रहेको र थोरै भएको जायजेथा पनि उपचारकै क्रममा सकिए पछि पीडित पराजुलीको परिवार अहिले सहयोगको खोजीमा छ ।
पीडित पराजुलीलाई बचाउन अहिले सामजिक सञ्जाल मार्फत आर्थिक संकलनमा जुटेको आर्थिक संकलन समितिका संयोजक विशन क्षेत्रीले बताउनु भयो । सहयोग गर्न चाहाने महानुभावहरुले प्रभु बैंकको खाता नम्वर ०३९०१००१३१७७७७०००००१ मा जम्मा गरिदिनुहुनको लागि क्षेत्रीले अनुरोध गर्नुभयो ।