Author
ParbatNepal
ParbatNepal

Correspondent, ParbatNepal

1 month ago

245




पर्वत अस्पतालमा उपकरण सहयोग
पर्वत अस्पतालमा उपकरण सहयोग

मंसिर २१ पर्वत । पर्वत जिल्ला अस्पतालमा भर्खरै जन्मिएका नबजात शिशुको उपचारका लागि आवश्यक सामाग्रीहरु हस्तान्तरण गरिएको छ । नवजात शिशुको उपचारका लागि एनआइसीयु सेवा शुरु गर्नका लागि आवश्यक मेशीन तथा उपकरणहरु सहयोग प्राप्त भएको हो । विभिन्न विदेशी दाताको सहयोगमा पर्वत जिल्लाका ८ वटा लान्यस क्लवहरुको पहलमा आवश्क उपकरणहरु जिल्ला अस्पताल पर्वतमा हस्तान्तरण गरिएको छ ।

५० शैया क्षमताको रुपमा विकास हुन लागेको पर्वत अस्पतालको सेवालाई प्रभावकारी बनाउन र विपन्न, तथा असहाय परिवारमा जन्मिएका बालबालिकाहरुले सहज रुपमा सेवा पाउन सकून भन्ने उद्धेश्यले एनआइसीयुका लागि आवश्यक सामाग्री हस्तान्तरण गरिएको लायन्स क्लवका डिस्ट्रिक्टका चिफ एड्भाईजर बसन्तकुमार कर्माचार्यले बताउनुभयो ।

लायन्स क्लवले मेडिकल डिभाईस, दुईवटा वेड लगायत गरी झण्डै रु. १८ लाख रुपैयाका सामाग्री सहयोग गरेको उहाँले बताउनुभयो । सामाग्री हस्तान्तरण कार्यक्रममा बोल्दै लायन्स क्लव इन्टरनेशनलका एरिया लिडर बालकृष्ण बुर्लाकोटीले नवजात शिशुको उपचारका लागि यो मेशीन र उपकरणको ठुलो महत्व रहेको बताउँदै यसको सहि सदुपयोग गर्न आग्रह गर्नुभयो । उहाँले दिगो रुपमा विरामीहरुलाई सेवा दिन आग्रह गर्दै थप सहयोग पनि गर्दै जाने बताउनुभयो । त्यस्तै लायन्स क्लवका डिस्ट्रक्ट गभर्नर इन्दु लम्सालले सुविधा सम्पन्न अस्पतालहरु नभएका जिल्लाहरुमा बिरामीहरुको जटिल रोगको उपचारका लागि समस्या रहेको बताउँदै यस्ता सामाग्रीहरुले अस्पतालको गुणस्तर र नागरिकको सेवामा सघाउ पुग्ने बताउनुभयो ।

अस्पताल व्यवस्थापन समितिका अध्यक्ष गोविन्द पहाडीले अत्यावश्यक उपकरणहरु सहयोग गरेकोमा लायन्स क्लवलाई धन्यवाद दिँदै यसको सहि सदुपयोग गर्ने प्रतिवद्धता गर्नुभयो । उहाँले नयाँ भवन निर्माण भएपछि अझै व्यवस्थित र तत्काललाई नयाँ कक्ष स्थापना गरेर सेवा संचालनमा ल्याईने बताउनुभयो ।

 

सम्बन्धित समाचार (जिल्ला )
सम्बन्धित समाचार ( मुख्य खबर)