Author
ParbatNepal
ParbatNepal

Correspondent, ParbatNepal

2 weeks ago

255




कोरोनाको प्रभाव : पर्वत वेलफेयर सोसाइटी यूकेको कार्यक्रम स्थागित
कोरोनाको प्रभाव : पर्वत वेलफेयर सोसाइटी यूकेको कार्यक्रम स्थागित

यूके–पर्वत वेलफेयर सोसाइटी यूकेले नयाँ बर्षमा आयोजना गर्न लागेको साँस्कृतिक तथा विविध कार्यक्रम स्थागित भएको छ ।  विश्वभर फैलिएको कोरोना भाईरसका कारण यतिबेला विश्व समुदाय नै आतंकित बनिरहेको बेला यसको प्रभाव बेलायत (यूके) मा पनि देखिएको छ ।

 

विश्वमा फैलदो रुपमा बढ्दै गएको कोरोना भाईरस (कोभिड – १९) लाई मध्यानजर गर्दै पर्वत वेलफेयर सोसाइटी यूकेले अप्रिल १८ मा आयोजना गरेको कार्यक्रम स्थागित गरेको हो । कार्यक्रम अर्को निर्णय नहुँदासम्म स्थागित भएको संस्थाले जनाईएको छ । संस्थाले आज सूचना प्रकाशित गदै मनोरञ्जन भन्दा पनि स्वास्थ्यलाई मध्येनजर गदै  सम्पूर्ण तयारी हुँदाहुँदै पनि कार्यक्रम स्थागित गरिएको जनाएको छ ।

 

संस्थाले असाधारण परिस्थितिमा गरिएको निर्णयलाई सहज रुपमा बुझिदिन अनुरोध गरेको छ । साथै  कारोना भाईरस नियान्त्रणमा आइसकेपछि कार्यक्रम गरिने कुरा पर्वत वेलफेयर सोसाइटी यूकेका अध्यक्ष नेत्र आलेले जानकारी दिनुभयो । स्पोन्सर र टिकट लिएर सहयोग गर्ने सम्पूर्ण महानुभावलाई धन्यवाद दिँदै अध्यक्ष आलेले स्पोन्सर रकम अर्को कार्यक्रममा प्रयोग गर्न सकिने जानकारी समेत दिनुभयो ।

 

‘प्रतिकुल निर्णयले दर्शकहरुलाई पर्न गएको असुविधाप्रति क्षमाप्रार्थी छौँ,’अध्यक्ष आलले भन्नुभयो ।  बेलायतमा १३७२ मानिसहरु प्रभावित भएका छन् भने  ३५ जनाको मृत्यु भईसकेको छ ।

सम्बन्धित समाचार ( प्रवास)