पर्वत । विभिन्न शिलशिलामा यूके पुगेका पवतेहरुले नेपाली नयाँ बर्ष २०७६ भव्य रुपमा मनाउने तयारी गरेका छन् । पर्वत वेलफेर सोसाईटी यूकेले नयाँ बर्ष मनाउन लागेको हो । भर्खरै निर्वाचित नयाँ कार्य समितिको बैठकले मे ४ का दिन भव्य र सभ्यताका साथ नेपाली नयाँ बर्ष २०७६  मनाउन लागेको जनाएको छ । अध्यक्ष नेत्र आलेको अध्यक्षतामा बसेको बैठकले अल्डरसटको एंपायर हलमा नयाँ बर्ष मनाउने निर्णय गरेको हो । कार्यक्रमलाई भव्यताका साथ मनाउनको लागि पर्वत वेलफेर सोसाईटी  यूकेले विभिन्न समिति तथा उपसमिति गठन गरेको छ ।

कार्यक्रम तयारी समितिमा उपाध्याक्ष द्धय सञ्जिव गुरुङ, एकवहादुर पुन र सदस्य अप्सरा गुरुङलाई जिम्मा दिएको छ । त्यस्तै मनोरञ्जनमा बरिष्ठ उपाध्याक्ष विनोद पुरी र सदस्य धुव्र दत्तलाई जिम्मा दिएको संस्थाले जनाएको छ । त्यस्तै प्रचारप्रसारको जिम्मा महासचिव भरत पौड्याल  ,सचिव प्रकाश न्यौपाने,सदस्य बाबुराम भुसाल, नारायण गिरीलाइ जिम्मा दिएको छ भने, आर्थिक सहयोग संकलनका लागि कोषाध्याक्ष सुरज पौडेल , सह–कोषाध्यक्षमा डा. बासुदेव पौड्याल  र सदस्य भिमलाल भट्टराईलाई जिम्मा दिइएको महासचिव भरत पौड्यालले जानकारी दिनुभयो । यसैगरि खाना  सँगै हलको जिम्मा विनोद पुरी र नारायण गिरि लाई जिम्मा दिईएको पौडेलले बताउनु भयो । साथै राफल को लागि अंग गर्बुजा, भिम पुर्जा , मेख बहादुर पुन , यम थापा मगरलाइ जिम्मा दिईएको छ । त्यस्तै टिकेट विक्रि वितरणको जिम्मा सुरज पौडेल, डा बासुदेव पौडेल र भिमलाल भट्टाराईलाई दिईएको छ । भने, राफरको जिम्मा अङ पुर्जा, मेखवहादुर पुन र याम थापालाई दिईएको छ ।

कार्यक्रममा पर्वतवाट एक जना कलाकार बोलाउने निर्णय भएको छ । कलाकार बोलाउने जिम्मा अध्यक्ष नेत्र आलेलाई दिईएको छ । पर्वत नेपाल अनलाईन संग कुराकानी गदै अध्यक्ष आलेले विगतका वर्ष जस्तै यस बर्ष पनि यूकेमा भव्यताका साथ कार्यक्रमको मनाउन लागेको बताउनु भयो ।  उहाँले कार्यक्रम विशुद्ध मनोरञ्जनत्मक भएको  हुँदा पर्वत जिल्लामा जन्मिएर साँस्कृतिक क्षेत्रमा लागेका एक जना कलाकारलाइ पोत्साहन सँग हौसला प्रदान गर्ने उद्देश्यले बोलाउन लागेको जानकारी दिनुभयो । कार्यक्रममा कसलाई भन्ने विषयमा छलफल भईनसकेको उहाँको भनाई छ । सो संस्थाले मे ४ को दिन अन्य संघ संस्थालाई कार्यक्रम नजुधाईदिन समेत अनुरोध गरेको छ ।