पर्वत– गण्डकी प्रदेश सरकारले गण्डकी प्रदेशका ११ वटा जिल्लाहरुमा पुगेर स्थानीय तहका समस्या समाधान गर्न सुरु गरेको छ । स्थानीय तहहरुबिच समन्वय,अन्तरक्रिया तथा गोष्ठी कार्यक्रमको सुरुवात पर्वतबाट भएको हो । प्रदेश सरकार मुख्यमन्त्री तथा मन्त्रीपरिषद्को कार्यालयले बाग्लुङ,म्याग्दी हुँदै यहाँका सवै ११ जिल्लामा पुगेर कार्यक्रम आयोजन गर्न लागेको हो ।

 पर्वतको कुश्मामा आज छलफल भएको छ ।  मुख्यमन्त्री तथा मन्त्रीपरिषद्को कार्यालयका सचिव एवंम कार्यक्रमका सभापति धर्मराज कुइकेलले स्थानीय तहहरुले सहअस्तित्व,समन्वय र सहकार्यको निति अपनाउन नसक्दा समस्या आइपरेको बताउनुभयो । उहाँले यहाँको समन्वय समिति,जिल्ला प्रसासनसंग समन्वय गर्न आग्रह गर्दै ती क्षेत्रबाट समेत समाधान नभएमा प्रदेश सरकार संग समन्वय गर्न सुझाव दिनुभयो । 

समन्वय समितिका पर्वतका संयोजक मनोहर वि पौडेलले स्थानीय तहमा कर्मचारीहरुको अभाव, कानुनको अभाव, पूर्वाधारको अभाव, जिम्मेवारीको अभाव लगायतका समस्या रहेको बताउनुभयो । यस्ता समस्याका कारण स्थानीय तहले अपेक्षाकृत काम गर्न नसकेको उहाँले बताउनुभयो । कुश्मा नगरपालिकामा न्यायिक समिति गठन हुन नसक्दा निकै आलोचना खेप्नु परेको विश्वकर्माले बताउनुभयो ।

कार्यक्रममा बोल्दै कुस्मा नगरपालिकाका उपप्रमुख सीताकाफ्ले लामिछानेले विभिन्न वाहनामा न्यायिक समिति बन्न नसकेको बताउनुभयो । यता,जलजला गाउँपालिकाका प्रमुख यामबहादुर मल्ल‘रामकृष्णले’ समन्वय समिति,प्रसासन र प्रहरी स्वंयले गाउँपालिले सञ्चालन गरेका कामहरुमा असहयोग गरेको भन्दै आरोप लगाउनुभयो । कार्यक्रममा न्यायिक समितिको क्षेत्राधिकार सम्बन्धी प्रक्षिण जिल्ला न्यायधिश सूर्यबहादुर थापाले प्रस्तुत गरेका थिए । संघ,प्रदेश र स्थानीय तहहरुवीचको अन्तरसम्बन्ध बिषयक प्रस्तुतीकरण मुख्यमन्त्री तथा मन्त्रीपरिषद्को कार्यालयका उपसचिव डिल्लीराम सिग्देलले राखेका थिए ।

छलफल तथा अन्तरत्रियाको सहजिकरण मुख्यमन्त्री तथा मन्त्रीपरिषद्को कार्यालयका कर्मचारी अर्जुन प्रसाद पौडेल र चण्डिका पौडेलले गरेका थिए ।