पर्वत– जिल्ला प्रहरी कार्यालय पर्वतले पर्वतकै मोदी गाउँपालिकाको एक घरमा चोरी गरेर फरार रहेकाहरुलाई पोखराबाट पक्राउ गरेको छ ।

गएको पुष ६ गते राती मोदी गाउँपालिका २ पातिचौर स्थित सुविना ढकाल चापागाईँको घरमा चोरी गरेका ४ जनालाई पोखराबाट पक्राउ गरी आज पर्वतमा सार्वजनिक गरिएको हो । पक्राउ पर्नेहरुमा पक्राउ पर्नेमा पर्वतकै पर्वत मोदी गाउँपालिका ३ घर भई हाल कास्की वस्ने राजेश वि।क, रुकुमको उत्तरगंगा गाउँपालिका ४ बस्ने वावु वुढामगर, कास्कीको पोखरा लेखनाथ महानगरपालिका १३ वस्ने रन्जु कुमार सुनार र सुन्दर विक रहेका छन । घट्ना लगत्तै उनीहरुको खोजीमा लागेको प्रहरीले गएको पुष २० गते उनीहरुलाई पक्राउ गरेको हो ।

उनीहरुले चापागाईको घरमा रहेको दराज फोडी दराज भित्र राखिएको डेढ तोलाको सुनको माला एउटा, दुई तोलाको सुनको वाला एउटा, सुनको औँठी एउटा, २ ओटा घडी, २ ओटा पन्चरत्ने वाला र नगद ६४ हजार रुपैयाँ चोरी गरेका थिए । पक्राउ परेका चारै जनालाई आवश्यक अनुसन्धानपछि पर्वत जिल्ला अदालतवाट ७ दिनको म्याद थप गरेर अनुसन्धान भैरहेको जिल्ला प्रहरी कार्यालय पर्वतका प्रमुख प्रहरी नायव उपरीक्षक भुवनेश्वर तिवारीले जानकारी दिए ।