साजन परियार । लामा र अग्ला झोलुङ्गे पुलको जिल्लाको रूपमा परिचित पर्वत जिल्लामा अब फेरि दक्षिण एशियाकै लामो झोलुङ्गे पुल निर्माणको शिलान्यास गरिएको छ ।

जिल्लाको कुश्मा नगरपालिका–१ पाङ देखी बागलुङ नगरपालिका–१ रामरेखा जोड्ने झोलुङ्गेपुलको आज शिल्यान्यास गरिएको छ । पुलको राष्ट्रिय सभाका अध्यक्ष गणेश प्रसाद तिमिल्सिनाले शिलान्यास गर्नुभएको हो । बागलुङ र पर्वत जिल्लालाई जोड्ने गरी निर्माण गर्न थालिएको नेपालकै लामोे झोलुङ्गेपुलको ५ सय ६७ मिटर लामो र १ सय ३८ मिटर उचाइ रहेको छ ।

कालीगण्डकी नदीमाथि निर्माण गर्न लागिएको उक्त पुलका दुई वर्ष भित्र सक्ने गरी सक्नेगरी हिमशिखर कन्स्ट्रक्सनले रु. ७ करोड ९७ लाख ८६ हजारमा ठेक्का सम्झौता गरेको छ । पुलमा चाहिने लठ्ठाको व्यवस्था भने सस्पेन्सन व्रिज कार्यालयले उपलव्ध गराउने भएको छ । पुलको सबै निर्माण सम्पन्न गर्दा .१२ करोड २२ लाख १८ हजार ९५७ खर्च लाग्ने अनुमान गरिएको छ ।

वि.स २०५९ बाट उक्त ठाउँमा पुल निर्माणको लागि सम्भाव्यता अध्ययन गरिएको भएता पनि योजना पर्न सकेको थिएन । नेपालमा अहिलेसम्म यस्तो खालको पुल नबनेका कारण पुलमा राखिने लठ्ठा र लठ्ठा तान्ने मेशिनको अभाव भएकाले अत्रै मन्त्रालयले चीनबाट आवश्यक सामान खरीद गरेपछि पुल निर्माण कार्य शुरु भएको हो । ३ सय ६५ मिटरसम्मको लामो झोलुङ्गे पुल निर्माण भएका कारण दुई जिल्लालाई जोड्ने गरी बन्न लागेको यो देशकै एक लामो झोलुङ्गे पुल हुनेछ ।

झोलुङ्गे पुलका शिलान्यास गदै राष्ट्रिय सभाका अध्यक्ष तिमिल्सीनाले समृद्धिका लागि झोलुङ्ग पुलले टेवा दिने बताउनुभयो । बागलुङ र पर्वत जिल्लालाई जोड्ने गरी निर्माण गर्न थालिएको दक्षिण एसियाकै लामो भएको उद्घोष गदै  पुललाई आयात निर्यातका लागि प्रयोग गर्न सबैलाई आग्रह गर्नुभयो । उहाँले पुलै पुलले देशमा पर्यटन संभावनाको ढोका खोल्ने बताउनुभयो ।

पुलको निर्माणले पर्वत र बागलुडको कृषि ,व्यापार ,शिक्षा ,स्वास्थ्य ,पर्यटन लगाएतको क्षेत्रमा ठुलो परिवर्तन आउने र जनताको जीवनस्तरमा सुधार हुने अध्यक्ष तिमिल्सीनाले बताउनु भयो ।