Correspondent, ParbatNepal
7 years ago
1563
चैत्र १३, पर्वत । जनता आवास कार्यक्रम मार्फत पर्वतका सबै लाभग्राहीहरुले घर निर्मँfण गर्न थालेका छन् । जिल्लाको सातै स्थानीय तहमा रोकिएको आवास निर्माणको प्रक्रिया पुन : शुरु भएपछि लाभग्राही धमाधम घर बनाउने काममा व्यस्त बन्न थालेका छन् ।
जिल्लामा रहेको जनता आवास कार्यक्रम प्रदेश मातहत गएपछि भौतिक योजना तथा निर्माण मन्त्रालय मार्फत जनता आवास कार्यक्रम सञ्चालनमा आएको छ । मन्त्रालयका प्रवक्ता भरत भुसालका अनुसार जिल्लाका सबै तहमा कार्यक्रम कार्यान्वयन गर्न थालिएको हो ।
पर्वतको बिहादी–२ बाच्छा, महाशिला–६ फलामखानी, फलेबास–६ देवीस्थान, फलेवास–१ कार्कीनेटा, कुश्मा–२ खुर्कोट, कुश्मा–१३ खौलालाकुरी, कुश्मा–१४ आर्थरडाडाखर्क र मोदी–१ भुकताङ्लेमा गरी विपन्नलाई १५० वटा घर निर्माणका लागि जनता आवास कार्यक्रम सञ्चालन गरिएकोे हो । घरको जग हाल्दा पहिलो किस्तादेखि निर्माण सम्पन्न गर्दासम्म जम्मा रकमलाई चार किस्तामा वितरण गर्ने व्यवस्था मिलाइएको छ ।
पहिलो किस्ता रु ५२ हजार, दोस्रो किस्ता रु ६३ हजार तेस्रो किस्ता रु ७३ हजार र चौथो किस्तामा बाँकी सबै रकम प्रदान गर्ने व्यवस्था मिलाएकोे छ । चौथो किस्ता भने शौचालय निर्माणपछि मात्रै उपलब्ध गराउने छ ।