Correspondent, ParbatNepal
7 years ago
1547
बैशाख २१, पर्वत । पर्वत व्याटमिन्टल संघको कार्यालयमा चोरी भएको छ । जिल्ला प्रहरी कार्यालय भन्दा सय मिटर टाढा रहेको पर्वत व्याटमिन्टल संघको कार्यालयमा आज राति चोरी भएको हो ।
राती ७ बजेको समयमा चोरी भएको संघका अध्यक्ष प्रेम गुरुङ ‘माईला’ले जानकारी दिनुभयो । संघको कार्यालयवाट ११ हजार पाँच सय रुपैयाँ, ३ रेकेट, एक थान भलिवल, बिजुलीको बल्भ र ६ वटा जुसका बोत्तल चोरी भएको जिल्ला प्रहरी कार्यालय पर्वतका प्रहरी निरिक्षक राजन रायमाझीले जानकारी दिनुभयो ।
रातको समयमा ४÷५ जनाको समुहमा आएका बच्चाहरुले चोरी गरेको रायमाझीले बताउनु भयो । उमेर नपुगेका बच्चाहरु भएकाले अभिभावको जिम्मा लगाएर पठाएको उहाँको भनाई छ । प्रहरी निरिक्षक राजन रायमाझीले भने,‘हामीले बच्चाहरुलाई अभिभावकको जिम्मा लगाएर पठाएको छौँ, भोली कार्यालयमा बोलाएर छलफल गर्ने तयारी गरेका छौँ ।’
पर्वतमा पछिल्लो समयमा चोरीका घटना बढेन थालेका छन् । प्रहरी कार्यालय नजिकै चोरी हुन थालेपछि सर्वसाधारणमा त्रास बढेको छ ।