साजन परियार,बैशाख २४, पर्वत । रोजगारीको शिलशिलामा विदेश पलायन भएका पर्वतका युवाहरु पछिल्लो समयमा गाउँ फर्किन थालेका छन् । देशमा केही गर्न सकिँदैन भनेर विदेश पलायन भएका युवाहरु गाउँ फर्केर व्यवसाय शुरु गरेका हुन् ।  अवसरको खोज्दै गदै एक दशकअघि विदेश पलायन भएका यहाँका एक युवाले गाउँमा फर्केर चाउमिन उद्योग शुरु गरेका हुन् ।

पर्वतको महाशिला गाउँपालिका–५ लुंखुका दिपेन्द्र जैसीले गाउँमै चाउमिन उद्योग संञ्चालनमा ल्याएका छन् । कतारमा एक दशक भन्दा लामो समय संघर्ष गरेर फर्केका जैसीले १० लाख लागतमा गाउँमै चाउमिन उद्योग संचालनमा ल्याएका हुन् । लुङखुको एकपाटेमा संचालन गरेको उद्योगको ईश्वर वेकरी एण्ड चाउमिन उद्योग नाम दिईएको छ । 

 उद्योगमा स्थानीय ४ जना यूवाले काम गर्छन । गाउँमै रोजगारी पाएपछि युवाहरु पनि खुशी छन् । उनले उत्पादन गरेको चाउमिन र पाउरोटी स्थानीय बजारमा खपत हुन्छ । ‘विदेशमा धेरै दुःख गरियो, जैसीले भने,‘विदेशमा गर्ने दुःखको आधा मात्र यहाँ गर्न सकियो भने, थुप्रै आम्दानी गर्न सकिन्छ ।’ ‘मैले बैदेशिक रोजगारीको शिलशिलामा कतारमा ६ बर्ष र मलेसिया र साउदीमा २÷२ बर्ष विताएँ । आफ्नो ठाउँजस्तो नहुँदो रैछ । अहिले गाउँ फर्केर व्यवसाय थालेको छु, उनले भने, ‘विदेशमा गर्न सकिने दुःख यहाँ गरियो भने विदेशमा भन्दा दोब्वर आम्दानी हुने उनको विश्वास छ ।’ उनले गाउँका युवाहरुलाई पनि विदेश नजान सल्लाह दिन्छन् । जैशीले उद्योगलाई व्यवसायिक रुपमा बढाउँदै जाने र थप युवालाई रोजगारी दिने बताए ।

 यता महाशिला गाउँपालिकाका प्रवक्ता एंव वडा नं. ५ लुंखुका वडाध्यक्ष जिवन उच्चै ठकुरीले पनि युवाहरुलाई व्यवसायमा लाग्न प्रोत्साहन गरेको बताए । गाउँपालिकाले युवा लक्षित कार्यक्रम ल्याएको दावी गदै स्वरोजगार बन्न युवाहरुलाई आग्रह गरे । ‘राज्यले पनि वर्तमान समयमा युवा लक्षित कार्यक्रमहरु ल्याएको बताउँदै राज्यले पनि त्यस्ता युवाहरुलाई प्रोत्साहन गर्नुपर्ने बताए । उनले उद्यमशीलताको विकासमार्पmत रोजगार सिर्जना गरी गाउँमै रोजगारीको सिर्जना गरिने बताए ।