पर्वत नेपाल संवाददाता । पर्वतको पैयु गाउँपालिका–४ हुवासका सविन्द्र श्रेष्ठले खुल्ला सदस्य पदमा उम्मेदवारी दिने भएका छन् । गैरआवासीय नेपाली संघ -एनआरएनए_ ,राष्ट्रीय समन्वय परिषद कतारको आठौँ अधिवेशनको श्रेष्ठले खुल्ला सदस्यमा  आफ्नो उम्मेदवारी दर्ता गरेका छन् ।

खुल्ला सदस्यमा उम्मेदवारी दर्ता गराएसँगै उनी प्रचारप्रसारमा जुटेका छन् । बिगत  ८  बर्ष देखि कतारलाई पेशागत  कर्मथलो बनाउदै आएका श्रेष्ठ सामजिक रुपमा सक्रिय छन् । उनी विभिन्न संघसंस्थामा आवद्ध छन् ।  श्रेष्ठ पर्वत समाज कतारको अध्यक्ष समेत रहेका छन् । हरेक सामजिक संस्थामा रचनात्मक भूमिका खेल्दै आएका श्रेष्ठको उम्मेदवारीले कतारमा रहेका नेपालीहरु समेत उत्साहित भएका छन् । सामाजिक ब्यतित्वको रुपमा उनको छुट्टै पहिचान छ ।

 सरल, अनुशासित र कम बोल्ने व्यक्तिमा पर्ने उनी  कतारमा रहेर निरन्तर समाज सेवामा सक्रिय छन् । प्रदेश नम्बर चार  समन्वय परिषद कतारमा समेत पदीय जिम्मेवारी बहन गर्दै आएका श्रेष्ठले  कतारमा स्थापित विभिन्न सामाजिक संस्थाको नेतृत्व गर्नुका साथै सन २०१३  देखि एनआरएनए कतारको पार्सद सदस्य रहेका छन् ।

पर्वत नेपाल सँग कुराकानी गदै श्रेष्ठले अग्रज र साथीभाईको माया र सहयोगका कारण आफुले उम्मेदवारी दिन लागेको बताउनु भयो । कतारमा बसेर विभिन्न सामजिक संघसंस्थाका काम गदै आएको जानकारी गराउँदै श्रेष्ठले आफ्नो क्षमता र अनुभवका आधारमा काम गर्ने जिकिर गर्नुभयो । भाग्यमा भन्दा पनि कर्ममा विश्वास गर्ने श्रेष्ठले आफ्नो विगतको कामलाई हेरेर सवैतिरवाट सहयोग मिल्ने अपेक्षा व्यक्त गर्नुभयो ।