पर्वत नेपाल–संवाददाता । गैरआवासिय नेपाली संघ बेल्जियमको ७ औँ अधिवेशन सम्पन्न भएको छ । अधिवेशनवाट आगामी कार्यकाल -२०१९–२०२१_को लागि चित्र सुवेदीको अध्यक्षतामा निर्बिरोध नयाँ कार्य समिति गठन भएको छ ।

एनआरएनए आईसीसी सदस्यमा अन्तराष्ट्रिय पर्वत समाजका संरक्षक एवम् समाजसेवी सुभाष जोशी चयन हुनुभएको छ । समितिको उपाध्याक्षमा अन्तराष्ट्रिय पर्वत समाजका सल्लाहकार एवम् सामजिक व्यक्तित्व खड्क केसी, सचिवमा पर्वत समाज बेल्जियमका सदस्य दिपक न्यौपाने निर्वाचित हुनुभएको छ । बेल्जियममा ईतिहाँसमा पहिलो पटक निर्विरोध समिति चयन भएको यो पहिलो पटक हो ।

सभ्य र भव्य रुपमा सम्पन्न भएको अधिवेशनले बेल्जियमवासी प्रवासीको हक हितमा काम गर्ने निर्यण गरेको छ । उक्त अधिवेशनमा लिलामणी पोखरेल, विरवहादुर बलायर लगायतका नेताहरु पुगेका थिए । गैर आवसिय नेपाली संघ -एनआरएनए_को विश्व सम्मेलन अक्टुवर १३ देखी १६ गतेसम्म काठमाडौँमा हूँदै छ । सम्मेलनमा विश्वभरि छरिएर रहेका ८० राष्ट्रका एनआरएनएकर्मी सहभागी हुँदै छन् ।