साजन परियार, पर्वत । गैरआवासिय नेपाली संघको विश्व सम्मेलनको मिति नजिकिँदै गर्दा अध्यक्ष पदमा उम्मेदवार दिने घोषणा गर्नुभएका कुल आचार्यको लोकप्रियता तिव्र रुपमा बढ्दै गएको प्रवासीहरुले बताएका छन् ।  एनआरएनए केन्द्रिय उपाध्यक्ष समेत रहेका आचार्यले उम्मेदवारी दिनेभनेपछि उनको उम्मेदवारीको निकै चर्चा हुन थालेको छ । आचार्यको पक्षमा विभिन्न देशमा रहेका प्रवासीहरुले सार्वजनिक ठाउँमा भोट माग्न थालेका छन् ।

आचार्यले पनि आफ्नो सक्रियतालाई बढाएका छन् । उनी अहिले एनआरएनएका साथीभाई र प्रवासीका समस्या बुझ्दै विभिन्न देशमा पुगेका छन् । गएको दश दिनमा ५ ओटा मुलुकहरुका एनआरएनएका अभियन्ता साथीहरुसंग भेटघाट गरिसक्नुभएको छ । यो अवधिमा एनसीसी माल्टा, क्यानडा र आयरल्याण्डका साधारण सभाहरुमा सहभागी भै आफ्ना विचारहरु राख्दै आउनुभएको छ । त्यस्तै साइप्रस र अमेरिकाको न्यूयोर्क तथा डालस शहरमा साथीहरुसंग समसामयिक विषयमा अन्तरक्रिया गर्नुभएको छ ।

भेटघाट पछि फर्किएपछि पर्वत नेपाल सँग कुराकानी गदै एनआरएनएका अभियन्ता साथीभाईहरुको माया र सद्भावले निकै उत्साहित भएको बताउनु भयो । ‘भ्रमणबाट एनआरएनए भनेको एउटै ठूलो परिवार हो भन्ने मेरो धारणा थप बलियो भएको छ,’ आचार्यले भन्नुभयो । साथीभाईहरुको भेटघाट पछि उर्जा मिलेको बताउँदै प्रवासमा बस्ने हरेक गैरआवासीय नेपालीलाई समेट्ने गरी संघलाई समावेशी र सशक्त बनाउन आफुले अध्यक्ष पद उम्मेदवारी दिने बताउनु भयो ।

पर्वतको जलजला गाउँपालिका–७ धाइरिङमा जन्मिएका आचार्यको लोकप्रियता एनआरएनएका अन्य नेताको तुलनामा निकै माथि छ । एनआरएनएको निर्वाचनमा आचार्यले अत्यधिक मत ल्याउने अनुमान गरिएको छ । उनी एनआरएनए भित्र मात्र नभई संसारभरका प्रवासीहरुका प्रियपात्र हुन् । उनको उम्मेदवारी अध्यक्षमा परेमा सर्वसम्मत हुने संभावना रहेको एनआरएनए स्रोतले बताएको छ ।

‘आचार्यले चुनाव जित्छन उनको तुलनामा अरु कोही आउन सक्दैन,’ एनआरएनएका एक नेताले भने,– उनको विकल्प छैन । एनआरएनएमा जे काममा हात हाल्यो, त्यसैमा सफल नेताका रुपमा स्थापित आचार्य उपाध्यक्षमा समेत सबैखाले सिण्डिकेट तोडेर निर्वा्िचत भएका थिए । उनी लण्डनका सफल व्यवसायी मानिन्छन् । एनआरएनएको विश्व सम्मेलन तथा महाधिवेशन आगामी अक्टोबर १३ देखी १६ सम्म काठमाडौँमा हुँदै छ