असोज ६, पर्वत । गैरआवासिय नेपाली संघ -एनआरएनए_ का उपाध्याक्ष कुल आचार्यले मंगलवार अध्यक्ष पदमा उम्मेदवारी घोषणा गर्ने भएका छन् । असोज २८ र २९ गते काठमाडौँमा हुन लागेको विश्व सम्मेलनमा अध्यक्ष पदका प्रत्यासी रहेका भएका आचार्यले आगमी कार्यकाल -२०१९/२१_ का लागि अध्यक्ष पदमा औपचारिक रुपमा उम्मेद्वारी घोषण गर्ने भएका हुन् ।

मंगलवार साँझ ६ बजे एम्पायर हल, हाई स्ट्रीट, अल्डरसट, लण्ण्डनमा आयोजित सम्मेलनमा उम्मेदवारी घोषण गर्ने उनको तयारी छ ।  ‘गैरआवासीय नेपाली संघको आगामी कार्यकाल -२०१९/२१_ का लागि अध्यक्ष पदमा उम्मेदवारी दिने निधो गरेको खबर तपाईलाई सुनाउन पाउँदा एकदमै उत्साहित छु, औपचारिक घोषणा कार्यक्रममा उपस्थित भएर हौसला बढाईदिनुहुन अनुरोध छ, एनआरएनए अभियानलाई नयाँ गति र दिशा लैजाने अठोटका साथ भोली उम्मेदवारी घोषणा गर्छु,’ आचार्यले पर्वत नेपालसँग भने  ।

आचार्यले विभिन्न कार्यक्रममा एनआरएनएको अध्यक्ष पदमा उम्मेदवारी दिने घोषण गरेपनि औपचारिक रुपमा मंगलवार उम्मेदवारी दिने भएका हुन् । आचार्य सँग अध्यक्ष पदका दावेदार रहेका निर्वतमान उपाध्यााक्ष कुमार पन्तले आफ्नो उम्मेदवारी घोषण गरिसकेका छन् ।