Correspondent, ParbatNepal
6 years ago
2587
पर्वत–पर्वतको तिलाहारमा एक हप्ते चौथो बृहत दशै मेला आयोजना गरिएको छ । सामजिक कार्यमा सक्रिय पर्वतको मोदी गाउँपालिका–६ तिलाहारमा गठन भएको तिलाहार युवा क्लवले बृहत दशै मेलाको आयोजना गरेको हो । बिजयदशमी तथा शुभदिपावलीको अवसर पारेर असोज १३ गतेदेखी १८ गतेसम्म मेला आयोजना गरिएको क्लवका सदस्य अमृत लामिछानेले जानकारी दिए ।
कला संस्कृतिको पवद्र्धन गर्ने तथा खेलकुद क्षेत्रको विकास गर्ने उद्देश्यले कार्यक्रमको आयोजना गरिएको लामिछानेले बताए । सो अवसरमा वडास्तरिय खुल्ला भलिवल प्रतियोगिता ,स्कुलस्तरिय नृत्य प्रतियोगिता, घैटो फुटाउने प्रतियोगिता र लठ्ठो तान्ने प्रतियोगिता आयोजना गरिएको छ ।
कार्यक्रममा राष्ट्रियस्तरका ख्याती प्राप्त कलाकारहरुको बेजोड प्रस्तुती रहने छ । त्यस्तै भलिवल प्रतियोगितमा बिजेता प्रतियोगिलाई क्रमश नगद ५१ हजार १ सय ११ रुपैयाँ, दोस्रोलाई ३१ हजार १ सय ११ र तेस्रो प्रतियोगिलाई ३१ हजार १ सय ११ रुपैयाँ सहित शिल्ड मेडल र प्रमाणपत्र प्रदान गरिने छ । त्यस्तै उत्कृष्ठ खेलाडी, स्पाइकर, लिपm्ट, ब्लकर, डिफेण्डरलाई ट्रफि सहित आकर्षक पुरस्कारको व्यवस्था गरिएको क्लवले जनाएको छ ।
मेलालाई सफल बनाउन विभिन्न संघसंस्था र जनप्रतिनिधीसँग समन्वय गरिने भएको छ । क्लवलाई सहयोग गर्ने सहयोगदाताहरुको ओईरो लाग्न थालेको छ । क्लवले दिएको जानकारी अनुसार भलिबल प्रतियोगिताको प्रथम पुरस्कार अनिश र दिलीप लामिछानेले प्रायोजन गर्ने भएका छन् । त्यस्तै द्धितीय पुरस्कार अशोक लामिछाने र तृतीय पुरस्कार सुरज लामिछानेले प्रायोजना गरेका छन् । क्लवले आयोजना गरेको कार्यक्रम तिलाहार नवजागृत माविको प्राङ्गणमा भव्यताका साथ सम्पन्न हुने क्लवका अध्यक्ष कमल लामिछानेले जानकारी दिनुभयो ।