पर्वत– आर्थिक अभावका कारण छोरोको मृत्यु भएर शोकमा परेका यहाँका एक परिवारलाई आर्थिक सहयोग प्राप्त भएको छ । पर्वतको फलेवास नगरपालिका–११ पाङराङ निवासी स्वर्गिय भिमवहादुर कुवँरको परिवारलाई आर्थिक सहयोग प्राप्त भएको हो ।

कुवँरको मुटुको बल्भमा समस्या भएर गत हप्ता मृत्यु भएको थियो । पाङराङ निवासी एवम् अन्तराष्ट्रिय पर्वत समाजकी नेपाल प्रतिनिधी मुना भुषालको पहलमा संकलित २७ हजार ५ सय ५० रुपैयाँ परिवारजनलाई हस्तान्तरण गरिएको छ ।साथै रकम संकलन गर्न अन्तराष्ट्रिय पर्वत समाजका सदस्य तिलक कुवँरले यूएईमा भूमिका खेल्नु भएको थियो । 

उक्त रकम स्थानीय जमुना भुषालले स्वर्गिय भिमवहादुर कुवँरका घरमा पुगेर परिवारका सदस्यलाई हस्तान्तरण गरेकोे बताईएको छ । रकम हस्तान्तरण कार्यक्रममा नेकपाका नेता भक्त कुवँर, नेपाली काँग्रेस पर्वतका सदस्य मानवहादुर भुषाल, स्थानीय युवा यमन कुवँर लगायतको उपस्थिती रहेको थियो । पीडित परिवारलाई राहात स्वरुप रकम हस्तान्तरण गरिएको अन्तराष्ट्रिय पर्वत समाजकी नेपाल प्रतिनिधी मुना भुषालले जानकारी दिनुभयो ।

स्वर्गिय कुवँरलाई बचाउन निकै प्रयास गरेपनि नसकिएको बताउँदै परिवारलाई थोरै भएपनि राहात होस् भन्ने उद्देश्यले रकम हस्तान्तरण गरिएको भुषालले बताउनु भयो ।  पाङराङमा मात्र नभई जिल्लाका हरेक क्षेत्रका दुखी गरिव र पीडितलाई सहयोग गदै आएकी भुषाल एक सामजिक अभियान्त हुनुहुन्छ । यस अघि पनि भुषालले कुश्मा नगरपालिका–४ निवासी क्यान्सर पीडित मिनवहादुर परियारलाई पनि विभिन्न व्यक्त सँग रकम संकलन गरि सहयोग गर्नुभएको थियो । स्वर्गिय भिमवहादुर कुवँरको परिवारलाई अन्तराष्ट्रिय पर्वत समाजका अध्यक्ष पुरन गिरी सहित समाजमा आवद्ध व्यक्तिहरुले सहयोग गरेको गर्नुभएको छ ।

सहयोग गर्ने सहयोगी मनहरु : पुरन गिरी, गुणराज शर्मा, सन्तोष जोशी सुवास, विनोद पुरी, मणि भुर्तेल, मनोहरी शर्मा, विक्रम पौडेल, सरोज जिसी, राजेन्द्र अधिकारी, तिलक बलभद्र कुवँर, पर्शुराम पौडेल, कमल लामिछाने, नविन भट्टराई, शेषराज तिमिल्सीना र बेदनाथ आचार्य