मंसिर २५, पर्वत । उत्तरी पर्वतको जलजला गाउँपालिका– ७ धाईरिङ मिलनचोक स्थित कालिगण्डकी नदिको किनारमा जारी गौमहोत्सवलाई यहाँका एक व्यक्तिले १० लाख भन्दा बढि रकम सहयोग गरेका छन् । लण्डनका सफल व्यवसायी एवम् सामजिक अभियान्ता कुल आचार्य सहित उहाँको परिवारले गौमहोत्सवको सहयोगार्थ १० लाख ५ हजार ५ सय ५५ रुपैयाँ सहयोग गरेका हुन् । आचार्य जलजला –७ धाईरिङका स्थायी बासिन्दा हुन् । धाईरिङमा जन्मिएका डेढ दर्शकदेखी लण्डनमा बस्दै आएका आचार्य लण्डनका एक सफल व्यवासायी मानिन्छन्् । आफ्नै गाउँमा नेपालमै पहिलो पटक गौमहोत्सवको आयोजना हुन लागेकोमा खुशीव्यक्त गदै आचार्यले गौमहोत्सवलाई आर्थिक सहयोग गरेका हुन् ।

धार्मिक आस्थामा समेत विश्वास गर्ने आचार्यले भने,‘हिन्दु धर्मावलम्बीहरुले पुज्ने गाईको संरक्षण गर्नु नेपालीहरुको कर्तव्य र दायित्व हो, नेपालबाट नेपाली गाई मासिँदै गएका बेला जलजलावासीले गरेको महायज्ञलाई सहयोग पु¥याउन सहयोग गरेको हुँ ।’ सहयोग गर्न पाउँदा खुशी लागेको उहाँको भनाई छ । लण्डनमा व्यवासाय सँगै विभिन्न संघसंस्थामा आवद्ध आचार्यले जलजला गाउँपालिकामा मात्र नभई पर्वत जिल्लाका सवै क्षेत्रमा सहयोग गदै आएका छन् । आचार्य गैरआवसीय नेपाली संघका निर्वतमान उपाध्याक्ष एवम् अन्तराष्ट्रिय पर्वत समाजका प्रमुख संरक्षक हुन् । उनी लण्डनका एक दर्जनभन्दा बढि सामजिक संस्थामा आवद्ध छन् ।

मंसिर १९ गतेदेखी शुरु भएको गौमहोत्सव बिहिवार सम्पन्न हँदै छ । गण्डकी गोपाल गौशालाको सुदृढिकरण र गाई संरक्षण संगै प्रसिद्ध कालञ्जर क्षेत्रको विकास र प्रचार प्रसारको लागि कालञ्जर पर्वतको फेदी र कालिगण्डकी नदीको किनारमा रहेको मिलनचोकमा गौमहोत्सव एव् महायज्ञ आयोजना गरिएको मुल आयोजक समितिका अध्यक्ष राजु आचार्यले जानकारी दिनुभयो । महायज्ञ एवम् महोत्सवबाट संकलन हुने रकमबाट गौशालाको थप पूर्वाधार निर्माण र स्थानीय जातका गाईको बंश संरक्षण गरिनेछ । स्वामी आचार्यको संकल्प र स्थानीयको सक्रियतामा वि.स २०७२ मा धाइरीङमा गण्डकी गोपाल गौशाला स्थापना गरिएको थियो । अहिले यस गौशालामा ३५ वटा गाई रहेका छन् ।