चैत्र १४, पर्वत । नोबेल कोरोना भाइरसलाई लक्षित गदै नेपाल विद्यार्थी संघ ईकाई कार्यसमिति हिमालय मावि कुश्मा नगरपालिका–२ खुर्कोटले निशुल्क माक्स सँगै साबुन वितरण गरेको छ ।

नेवि संघ खुर्कोटका अध्यक्ष विवेक गिरी, सचिव नोदराज रेग्मी अनिल र सहसचिव विमल पौडेलले स्थानीयको घरमा पुगेर ५ सय वटा माक्स र १ सय वटा सावुन वितरण गरेका हुन् ।

मास्क वितरण पछि सभापति गिरीले विश्वमा नै कारोना भाइरसको जोखिम बढ्दै जाँदा नेपालमा पनि यसको प्रभाव पर्न सक्ने भन्दै त्यसको पूर्व तयारीका लागि नेवि संघले मास्क वितरण गरेको बताए । उनले अब सवैले आफ्ँले सावधानी अपनाउनुपर्ने बताए ।

माक्स र साबुन पाएपछि स्थानीयले खुशी व्यक्त गरेका थिए । बजारमा मास्कको संकट भएकाबेला नेवि संघले वितरण गरेको मास्क अभियान राम्रो भएको स्थानीय विकास पौडेलले  बताए ।