चैत्र १९, पर्वत । जिल्ला प्रशासन कार्यालय पर्वतले राहात वितरणमा कडाई गर्ने भएको छ । संघिय सरकारको निर्देशन अनुसार जिल्ला प्रशासन कार्यालयले ब्यक्ति र संस्थाहरुले सिधै गर्ने राहत वितरणमा प्रतिबन्द लगाएको हो । लकडाउनमा विपन्न परिवारका लागि भन्दै विभिन्न सामजिक संघसंस्था र राजनितिक दलका भातृ संस्थाहरुले आफु खुशी राहात वितरण गदै आएका छन् । ब्यक्ति वा संस्थाले चाहेमा स्थानीय पालिका मार्फत राहत वितरण गर्नुपर्ने प्रमुख जिल्ला अधिकारी कल्पना घिमिरे नेपालले बताउनु भयो ।

नेपालका अनुसार राहत वितरणको नाउँमा उठाईने रकम चन्दा स्वरुप हुने भन्दै त्यस्तो काम कसैले गरेमा प्रचलित कानून अनुसार कारबाही हुनेछ । त्यसले समाजमा अराजकता ल्याउने र राहतमा एक रुपता नहुने भन्दै त्यो कार्य अवैध रहेको नेपालको भनाई छ । उनले सवै पालिकामा राहत कोष स्थापना गर्ने र उक्त कोषमा ब्यक्ति वा संस्थाको सहयोग रकम संकलन गरी सोहि कोष मार्फत नै राहत सहयोग हस्तान्तरण गर्न सवैलाई अनुरोध समेत गरिन ।