चैत्र २४, पर्वत ।पर्वत–पर्वतमा लकडाउन उल्लंघन गर्ने ११ जना सहित केही सवारी साधानलाई प्रहरीले नियन्त्रणमा लिएको छ । सोमवार बिहानदेखी कुश्मा बजार सँगै अग्ला झोलुङगे पुलहरुवाट लकडाउनको उल्लघंन गर्ने ११ जना व्यक्ति सँगै ३ वटा मोटरसाईकल र ५ वटा अन्य सवारी साधनलाई प्रहरीले नियन्त्रणमा लिएको हो । प्रहरीले अवैध रुपमा ओसारपसार गरिरहेको मदिरा समेत नियन्त्रणमा लिएको छ । 

‘विश्वभरि महामारीका रुपमा फैलिएको कोरोना भाइरसको संक्रमण फैलिन नदिन सरकारले देशभर लागु गरेको लकडाउन उल्लंघन गर्ने व्यक्ति र सवारी साधान नियन्त्रणमा लिइसकेका छौँ,’ जिल्ला प्रहरी कार्यालय पर्वतका प्रहरी निरिक्षक विकास थापाले भने ।

उनीहरुलाई नियन्त्रणमा लिएर कार्बाही समेत गरिसकेको प्रहरीले जनाएको छ । छिमेकी जिल्ला बागलुङमा दुई जनामा कोरोना संक्रमण देखिए सँगै पर्वतमा लकडाउनलाई प्रभावकारी रुपमा अगाडी बढाउन प्रहरीले कार्बाही समेत शुरु गरेको हो ।