पर्वत ८, पर्वत । पर्वतमा नेपाल विद्युत प्राधिकरणले पटक पटक लाईन काट्दा उपभोक्ता मर्कामा परेका छन् । विभिन्न वाहनामा लाईन अवरोध हुँदै आएको छ । बिगत दुई हप्ता यता विद्युत अवरोध हुने क्रम बढेको छ । हावाहुरी र पानीको कारण देखाउँदै प्राधिकरणले दैनिक १३ पटकसम्म लाईन काट्न थालेको छ ।  अहिले खपत घटेको छ भने मर्मतको काम पनि रोकिएको छ । तर, मोदी सवस्टेशनले पटक पटक लाईन ट्रिप गरेर उपभोक्तालाई हैरान पार्दै आएको छ ।

प्राधिकरणको पर्वत वितरण केन्द्रले मोदी स्टेशनमा समस्या आउँदा लाईन जाने गरेको बताउँदै प्राविधिक समस्याको बारेमा स्पष्ट जानकारी दिने गरेको छैन । तर, दैनिक जसो लाईन जाने समस्याको स्थायी समाधान भने भएको छैन । पर्वतमा लाईन जाँदा धौलागिरीका बागलुङ, म्याग्दी र मुस्ताङमा समेत लाईन जाने गरेको छ । लकडाउनको बेला भैरहेको विद्युतको लापरवाहीले उपभोक्ताहरु आक्रोशित भएका छन् ।