बैशाख ८, पर्वत । पर्वतको कुश्मामा रहेको मोदीकाली बचत तथा ऋण सहकारी संस्था लिमिटेडले आफ्ना ऋणी सदस्यहरूको लागि चैत्र महिनाको ब्याजमा छुट दिने निर्णय गरेको छ । सहकारीले छुटसहित १० दिनको ब्याज (३३.३३ प्रतिशत) छुट दिने निर्णय गरेको छ ।

कोरोना भाइरसबाट उत्पन्न यस विषम परिस्थितिमा व्यापार व्यवसाय चल्न नसकेको अवस्थामा राहतको लागि यस्तो निर्णय गरिएको अध्यक्ष विनोद आचार्यले जानकारी दिनुभयो । सहकारीले ऋणिहरुलाई छुट दिएर सामाजिक उत्तरदायित्व वहन गरेको अध्यक्ष आचार्यले बताउनुभएको छ । सहकारीले यसभन्दा अगाडि कुश्मा नगरपालिकाद्वारा स्थापित प्रकोप व्यवस्थापन कोषमा १ लाख सहयोग गरेको थियो भने सहकारीले “घातक रोग उपचार कोष“ मार्फत प्राणघातक रोगबाट पीडित निम्न वर्गका लागि सहयोग रकम समेत उपलब्ध गराउँदै आइरहेको छ ।

अध्यक्ष आचार्यका अनुसार उक्त सहकारीमा सदस्यहरूलाई निशुल्क १ लाखको दुर्घटना बीमा, निशुल्क एसएमएस सुविधा तथा पानी, बत्ती तथा टेलिफोनको बिल तिर्दा अतिरिक्त शुल्क नलाग्ने जस्ता सुविधाहरु रहेका छन् ।