बैशाख १५, पर्वत । लकडाउनको अवज्ञा गर्दै बागलुङको जैदीका युवाहरुले पर्वतको पाङराङ प्रवेश गरि श्रीकाङका आधादर्जन युवाहहरुलाई कुटपिट गरेका छन् । टोल विकास समितिका अध्यक्ष भिम कुवंरका अनुसार दिउँसोको समयमा झोलुङ्गे पुलको तारबार तोडफोड सहित आएका समुहलाई गाउँ प्रवेशमा रोक लगाउन खोज्दा दुई पक्षका बिचमा सामान्य भनाभन हुँदाहुँदै कुटपिट भएको हो ।

सरकारले एक पालिका देखि अर्को पालिका सम्म र एक गाउँ देखि अर्को गाउँमा जान रोक लगाएको छ । सरकारको निर्णय कडीकडाउ गर्दै तारबार लगाएर कालीगण्डकी माथीको पुलको आवातजावत बन्द गरिएको छ । तर जैदीका यूवाहरुले भने पुलको तारबार फालेर पाङराङ आउन चाहेका थिए । उनीहरुलाई नआउन सम्झाउँदा उनीहरु कुटपिटमा उत्रिएको कुँवरले बताउनुभयो ।

गाउँ प्रवेश गरेका युवाहरुले टोल विकास समितिका अध्यक्ष माथि हातपात गरे लगतै उनले गाउँलेहरुलाई खबर गरेका थिए । त्यस लगतै गाउँलेहरुको पहलमा स्थानीय बाच्छा प्रहरी चौकीमा खबर भए पछि युवाहरु भागेको प्रहरीले जनाएको छ ।