पर्वत– पर्वतको एक लघुवित्तले कुश्मा नगरपालिकाले स्थापना गरेको विपद व्यवस्थापनसहयोग गरेको छ । पर्वतको कुश्मा नगरपालिका–८ चुवामा अवस्थित उन्नती लघुवित्त वित्तीय संस्था लिमिटेडले आज नगरपालिकाको विपद कोषमा ५० हजार रपैयाँ सहयोग गरेको हो । उक्त रकम लघुवित्त शाखाका प्रमुख सन्जय पौडेलले नगर प्रमुख रामचन्द्र जोशी र उपप्रमुख सिता काफ्ले लामिछानेलाई संयुक्त रुपमा हस्तान्तरण गर्नुभएको छ ।

कोभिड–१९ विरुद्ध लड्न नगरपालिकाले गरेको कामको प्रशंसा गदै अभियानमा नगरपालिकालाई सघाउ पु¥याउन रकम सहयोग गरेको लघुवित्तले जनाएको छ । कार्यक्रममा नगरप्रमुख जोशीले लघुवित्तले प्रदान गरेको रकमले नगरपालिकाले थालेको कोरोना रोकथाम तथा नियन्त्रणको सहयोग पुग्ने विश्वास व्यक्त गर्नुभयो । कोरोना रोकथाम र नियन्त्रणमा नगरपालिकाले थालेको प्रयास एक्लै सफल नहुँने भन्दै नगर प्रमुख जोशीले आफ्नो दक्ष अनुसार रकम रकम जम्मा गर्न सवैलाई आग्रह गर्नुभयो ।

उपमेयर सिता काफ्ले लामिछनेले विश्वव्यापी महामारीको रुपमा फैलिरहेको नोबेल कोरोना भाइरस रोकथाम र न्यूनिकरणका लागि नगरपालिकाले स्थानीय जनता सँग हातेमालो गदै अघि बढेको जिकिर गर्नुभयो । उहाँले सहयोग गर्ने लघुवित्तलाई धन्यवाद दिँदै अन्य लघुवित्तलाई पनि सहयोग गर्न आह्वान गर्नुभयो ।

कुश्मा नगरपालिकाले स्थापना गरेको विपद व्यवस्थापन कोषमा ७३ लाख रुपैयाँ जम्मा भएको छ भने हालसम्मा ६७ लाख रुपैयाँ खर्च भएको जनाईएको छ ।