जेठ १०, पर्वत । पर्वतको जलजला गाउँपालिका स्थित धाईरिङ, नाग्लीवाङ, मल्लाज , विहादी गाउँपालिकाको वहाकीठाँटी, रानीपानी, वर्राचौर लगायतका क्षेत्रमा फौजी किराले मकैबालीमा क्षती पु¥याएको छ । गोड्ने बेलाका मकैमा किराले आक्रमण गरेर क्षती पु¥याउन थालेको स्थानीय कृषकले जानकारी दिएका छन् ।

पछिल्लो एक हप्तादेखि मकैखेतीमा किराको आक्रमण बढेको जलजला ७ धाईरिङका नवराज आचार्यले बताउनुभयो । उहाँले किराले पात हुँदै आँख्लामा आक्रमण गरेपछि बोट मर्ने समस्या देखिएको जानकारी दिनुभएको छ । उहाँका अनुसार विगत दुई हप्ता देखि मकैमा किराको आक्रमण बढेको हो । जलजला गाउँपालिकाका अध्यक्ष यामबहादुर मल्लले सल्यान गाउँमा देखिएको संक्रमण अहिले बढ्दो क्रममा रहेको बताउनुभयो । मल्लका अनुसार कृषि प्राविधिक संग बुझ्दा मकैमा देखिएको संक्रमण फौजी किराको आक्रमण हो ।

कृषि ज्ञान केन्द्रले स्थलगत रुपमा अनुगमन गरेर मकैमा अमेरिकन फौजी किराको प्रकोप फैलिएको ठहर गरेको जानकारी दिएको छ । ज्ञान केन्द्रका प्रमुख बासुदेव रेग्मीले कृषकको खेतमै पुगेर रोगको पहिचान गरिएको बताएका छन् । रेग्मीका अनुसार जलजलामा करिव १५ रोपनी खेतको मकैमा किराको आक्रमण फैलिएको र प्रकोप बेलैमा नियन्त्रण गर्न नसके धेरै क्षेत्रमा फैलिने खतरा छ । बिहादी गाउँपालिकामा पनि किराले बालीमा क्षती भएको गुनासो आएकाले प्राविधिक लाई परिक्षणका लागि पठाएको रेग्मीले बताए । विहादी गाउँपालिका वडा नम्बर ४ सहित जिल्लाको २ हजार हेक्टर मकै लगाईएको  क्षेत्रफलमा असर पु¥याएको छ ।

स्थानीय कृषक दिपक भूषालले यसको रोकथाम गर्न गाउँपालिका र कृषिसम्बध निकायलाई अनुरोध गरेको बताउनुभएको छ । कृषि ज्ञान केन्द्रले दिएको जानकारी अनुसार गतवर्ष फलेवास नगरपालिका ४ मुडिकुवामा कृषकले रोपेको बेमौसमी मकै खेतीमा यो रोगको प्रकोप देखिएको थियो । गतवर्ष अरु ठाउँमा रोग नदेखिएपनि यसवर्ष भने ठूलो क्षेत्रमा रोग देखिएकाले कृषक संगै कृषि प्राविधिक समेत चिन्तामा परेका छन् । ज्ञान केन्द्रका प्रमुख रेग्मीले कृषकहरुलाई रोग नियन्त्रणका लागि आवश्यक घरेलु विधि र विषादीको बारेमा जानकारी दिने काम भैरहेको बताउनुभयो ।