जेठ १६, पर्वत । कुश्मा नगरपालिकाले स्थापना गरेको प्रकोप व्यवस्थापन विकास कोषमा पर्वतको एक लघुवित्त संस्थाले सहयोग गरेको छ ।

धौलागिरी लघुवित्त वित्तीय संस्था लिमिटेडले कुश्मा शाखाले प्रकोप व्यवस्थापन विकास कोषमा १० हजार रुपैयाँ आर्थिक सहयोग गरेको हो । उक्त रकम बराबरको चेक आज शाखाकी प्रमुख इन्दु परियारले कुश्मा नगरपालिका नगरप्रमुख रामचन्द्र जोशी र उपप्रमुख सिताकाफ्ले लामिछानेलाई संयुक्त रुपमा हस्तान्तरण गर्नुभएको हो ।

कोभिड–१९ बिरुद्ध लड्न नगरपालिकाले स्थापना गरेको कोषमा सघाउ पु¥याउने उद्देश्यले रकम सहयोग गरेको परियारले बताउनु भयो । लघुवित्तले शाखा स्थापना गरेको ४ सय वटा पालिकामा १० हजार रुपैयाँका दरले रकम सहयोग गरेको जनाएको छ । यो रकमले कोरोना रोकथाम नियन्त्रण तथा कोरोना रोग देखापरेका मानिसको उपचार तथा लकडाउनमा परेर दैनिक ज्यालादारी गर्ने मजदुरलाई राहात वितरणमा सहयोग पुग्ने अपेक्षा लिईएको छ । 

नगरप्रमुख जोशीले लघुवित्तले प्रदान गरेको रकमले नगरपालिकाले थालेको कोरोना रोकथाम तथा नियन्त्रणको सहयोग पुग्ने धारण व्यक्त गर्नुभयो । उपमेयर लामिछनेले सहयोग गर्ने लघुवित्तलाई धन्यवाद दिँदै अन्य लघुवित्तलाई पनि सहयोग गर्न आह्वान गर्नुभयो ।