साउन ६, पर्वत । पर्वतकी एक अपांग बालिकालाई बलात्कार गरि गर्भवती बनाएको अरोपमा तीन जना पक्राउ परेका छन् । जिल्ला प्रहरी कार्यालय पर्वतले अभियुक्तलाई पक्राउ गरेको छ ।

महाशिला गाउँपालिका ५ लुखुँकी एक १६ वर्षिया सुस्त मनस्थितीकी किशोरीलाई ललाईफकाई बलत्कार गरेर गर्भवती बनाएको प्रहरीले जनाएको छ । किशोरीको गर्भ जाँच गर्दा उनको पेटमा ४ महिनाको गर्भ रहेको प्रहरीको अनसन्धानबाट पत्ता लागेको छ ।

जेठ १७ गते आमाले छोरीको पेट बढ्दै गएको देखेपछि सोध्दा आमाले बलत्कारमा परेको थाहा पाएपछि प्रहरीलाई उजुरी दिनुभएको थियो । घटना लुकाउन खोजिएका कारण प्रहरीसामू उजुरी समेत ढिलो आएको बुझिएको छ ।

अचम्म त यो छ कि बलत्कारमा संलग्न ९, १२ र १४ वर्षका बालक रहेका बुझिएको छ । वलत्कारमा संलग्नका परिवारले गर्भ तुहाउन पीडित पक्षलाई दवाव दिँदै आएका छन् ।