जेठ २६, पर्वत । स्थानिय तहका जनप्रतिनिधहरुका लागी पर्वतको कुश्मामा एच. आई=भि=एड्स सम्वन्धी अभिमुखीकरण तालिम सम्पन्न भएको छ । राष्ट्रिय यौन तथा एड्स रोग नियन्त्रण केन्द्र काठमाडौंको सहयोग र राष्ट्रिय एच=आइर्=भि = एड्स महासंघ नेपाल र चौतर्फी विकास श्रोत मञ्च पर्वतको आयोजनामा तालिम सम्पन्न भएको हो ।

तालिममा कुश्मा नगरपालिकाका भित्रका वडा अध्यक्ष र  वटा सदस्यहरु गरि २४ जनाको उपस्थिति रहेको थियो । तालिम समापन कार्यक्रममा बोल्दै कुश्मा नगरपालिकाका उपप्रमूख सीता काफ्ले लामिछानेले स्थानिय सरकारले एच=आई=भि.एड्स संग सम्वन्धित कार्यक्रमहरु सघनरुपमा चलाउनु पर्नेमा जोड दिनुभयो ।

उहाँले एच.आई.भि रोकथाम सरकारि तथा सम्बन्धित गैरसरकारि निकायको मात्र जिम्नेवारि नभई यो व्यक्तिको, सङक्रमितको, समुदायको, सम्पर्ण सरकारि तथा गैरसरकारि निकाय र समग्र राष्ट्रको जिम्मेवारी भएको बताउनु भयो ।

त्यसै गरि कुश्मा नगरपालिका वडा नं= ५ का वडा अध्यक्ष चित्रकला भारती शर्मा र वडा नं. ३ का अध्यक्ष तेजप्रसाद पाध्याले एच=आई=भि.एड्स रोगीहरुलाई गरिने विभेद र लान्छानाहरुको विषयमा जनप्रतिनिधिहरुले सचेतीकरण गरि त्यस्ता भ्रमहरुलाई समूदाय स्तरमा सचेतना जगाउनु पर्नेमा जोड दिनू भयो । उहांले एचआईभी एड्स भएका व्यक्तिहरु समाजमा खूलेर आएमा वडाको वजेट विनियोजन गरि कार्यक्रममा सहयोग गर्ने धारणा राख्नुभयो ।

चौतर्फी विकास श्रोत मञ्च पर्वतका अध्यक्ष कालिकाप्रसाद शर्माको अध्यक्षतामा भएको उक्त अभिमूखिकरण कार्यक्रममा सहजिकरण कार्यकारी प्रमूख गणेश वहादूर क्षेत्रीले गर्नु भएको थियो भने कार्यक्रम संचालन सचिव शिवराज शर्माले गर्नुभएको थियो ।