Author
ParbatNepal
ParbatNepal

Correspondent, ParbatNepal

3 months ago

229




फलेवास नगरपालिका : राहात स्वरुप गतबर्षका असिना पीडितलाई अहिले रासायनिक मल
फलेवास नगरपालिका : राहात स्वरुप गतबर्षका असिना पीडितलाई अहिले रासायनिक मल

बैशाख ९, पर्वत । पर्वतको फलेवास नगरपालिकाले असिना पीडित किसानलाई रासायनिक मल वितरण गरेको छ । गतवर्षको जेठमा असिनाले खाद्यन्न, तरकारी र फलफुलमा क्षती व्यहोरेका किसानलाई रासायनिक मल वितरण गरिएको हो । फलेवास नगरपालिका३ शंकरपोखरीका १ हजार ५० परिवारलाई नगरपालिकाले डिएपी, यूरिया र पोटास वितरण गरेको छ ।

 

वडाध्यक्ष अर्जुनबहादुर कार्कीका अनुसार बढि क्षती भएका परिवारलाई १५ किलो, मध्य स्तरका परिवारलाई १० किलाको दरले वितरण गरिएको छ । नगर कार्यपालिकाको निर्णय अनुसार प्राप्त भएको ४ लाख ७६ हजार रुपैयाँले खरिद गरिएको मल किसानलाई वितरण गरिएको छ । अहिले मकै गोड्ने, धान र कोदोको बीउ राख्ने र वर्खे तरकारी लगाउने मौसममा रासायनिक मल पाउँदा किसानले राहातको महसुस गरेको वडाध्यक्ष कार्कीले बताउनुभयो ।

 

गतवर्षका पीडितले एक वर्षपछि राहात पाएका हुन् । तर, असिनाले यो साता जिल्लामा करोडौँको बालीनालीमा क्षती भएको छ । क्षतीको विवरण संकलन गरि राहातका लागि पहल भैरहेको कृषि ज्ञान केन्द्रका प्रमुख बासुदेव रेग्मीले जानकारी दिनुभयो ।

सम्बन्धित समाचार (फलेवास नगरपालिका )
सम्बन्धित समाचार ( स्थानीय तह)