पर्वत । कोरोना भाईरस -कोभिड–१९_ को न्यूनिकरणका लागि यहाँका एक व्यक्तिले कुश्मा नगरपालिका–१२ मा अवस्थित ठुलीपोखरी प्राथमिक स्वास्थ्य केन्द्रलाई आवश्यक स्वास्थ्य सामाग्री प्रदान गर्नुभएको छ । कोरोना भाइरस -कोभिड–१९_ को त्रास जिल्लाभरी फैलिएको अवस्थामा रिमालको सहयोगले कोभिडको न्यूनिकरण सहयोग पुग्ने विश्वास लिईएको छ । ठुलीपोखरी पोखरा सम्पर्क समाजका उपाध्याक्ष एवम् रिमाल समाजका केन्द्रिय सदस्य समेत रहेका रिमालले  आज स्वास्थ्य केन्द्रको प्राङगढमा पुगेर उक्त सामाग्री हस्तान्तरण गर्नुभएको हो ।

नेपाली काँग्रेस पर्वत पोखरा समाजका कोषाध्यक्ष समेत रहनुभएका रिमालले झण्डै ५० हजार मुल्य बराबरको स्बास्थ सामाग्री हस्तान्त्रण गर्नुभएको हो । मंगलबार ठुलिपोखरी प्रथामिक स्बास्थ केन्द्रकै पुगेर वडा अध्यक्ष राजेन्द्र पौडेलको रोहबरमा स्बास्थ केन्द्रका प्रमुख राजन लामिछानेलाई सामाग्री हस्तान्तरण गर्नुभएको ठुलीपोखरी प्राथमिक स्वास्थ्य केन्द्रले जनाएको छ ।

दक्ष चिकित्सक रहने प्राथमिक स्वास्थ्य केन्द्रमा अहिलेका प्राप्त सामग्री निकै उपयोगी हुने देखेर आफुले सहयोग गरेको रिमालले बताउनु भयो । उहाँले हेन्ड स्यानिटाइजर मेसिन १ थान, स्यानिटाइजर ५ लिटर, केएन नाईन्टी फाईब मास्क १५ थान, गम बुट ५ सेट, स्यानिटाइजर एक हजार लिटर, ग्लबस ५ प्याकेट, थर्मलगन २ थान, पिपिई सेट ५ थान र सर्जिकल मास्क ५ सय पिस रहेको सो अबसरमा रिमालले जानकारी दिनुभयो । उहाँका अनुसार ४७ हजार ३ सय २५ रुपैयाँ मुल्य बराबरको सामाग्री हस्तान्त्रण गरीएको थियो ।

यस बाहेक ठुलिपोखरीमा क्वारेन्टिनमा बसेकाहरुलाई बिभिन्न फलफुल तथा खाद्यन्न सामाग्री पनि उहाँले बितरण गर्नुभएको थियो भने सुरक्षाकर्मीको लागि मास्क ,स्यानिटाइजर र गमबुट १ सेट हस्तान्त्ररण गर्नुभएको थियो सामाजकि मनका धनि रिमालले यसअघि पनि बिभिन्न सहयोगहरु गर्दै आउनुभएको छ ।