Correspondent, ParbatNepal
8 years ago
2196
साजन परियार बैशाख ७, पर्वत । सुख्खायाम लागेसँगै पानीका मुहान सुक्न थालेपछि यहाँका बासिन्दा पिउनेपानीवाट बञ्चित भएका छन् । खानेपानी मुहानको उचित संरक्षण व्यवस्थापन हुन नसक्दा पर्वत फलेवास नगरपालिका ५ खानीगाउँका बासिन्दा खानेपानीवाट बञ्चित भएका हुन् ।
लामो समयदेखी खानेपानीको समस्या झेल्दै आएका साबिक खानीगाउँ गाविसका ३,४, ५ र ६ नम्वर वडाका स्थानियबासी खानेपानीका लागि घण्टौँ हिँड्न बाध्य भएको बताउँछन् । यि ठाउँमा मात्र होईन खानेपानी मुहानको उचित संरक्षण र व्यवस्थापन हुन नसक्दा खानीगाउँका अन्य गाउँमा पनि खानेपानीको समस्या छ । हिउँद लागेसँगै खानेपानीको समस्या आईपरेको र आकाशे पानीको भरमा जिवन निर्वाह गर्नुपरेको स्थानिय तारा तिवारीले बताउन्ु भयो ।
एक सय ३५ घरधुरी रहेको उक्त ठाउँमा खानेपानीको बर्षर्नी समस्या छ । समस्याका बारेमा जनप्रतिनिधीहरुलाई जानकारी गराएपनि खासै चासो नदेखाएको स्थानिय युवा लकास सुवेदीले बताउनुभयो । गहते झकलक खानेपानी उपभोत्ता समितिका सचिव पुण्यप्रसाद सुवेदीले गाउँमा प्रर्याप्त मात्रामा खानेपानी ल्याउन पहल भईहेको उहाँले बताउनु भयो ।
सुख्यायाम लागेसँगै ग्रामिण भेगमा पानीका मुलसुकेर जान थालेपछि पर्वत जिल्लाका विभिन्न स्थानमा खानेपानको समस्या देखिन थालेको छ ।