नेपाली लोक गीतको क्षेत्रमा कुलेन्द्र विश्वकर्मा नयाँ नाम होइन । यो नाम झण्डै ढेड दशकदेखि नेपाली संगीतमा छाएको छ । लोक दोहोरी क्षेत्रमा सफल अनि कुसल गायकमा पर्छन् कुलेन्द्र विश्वकर्मा । कुलेन्द्र विश्वकर्मा  पछिल्लो समयका चर्चित गायक हुन् । पर्वतको महाशिला गाउँपालिका–५ लुङखुमा जन्मिएका गायक विश्वकर्मालाई गायन क्षेत्रले उनलाई नाम, दाम र काम सबै दिएको छ । पछिल्लो समय उनले गाएको ‘सालको पातको टपरी हुने हे बरै सल्लैको नहुने गीतले यति बेला धेरैको मन जितेको छ । तीन महिनाअघि युट्युबबाट सार्वजनिक भएको गीत आजकाल हरेक समारोह तथा भोजभतेरमा घन्किने गरेको छ । नाच्न उपयुक्त मानिएको यो गीतले युट्युबमा पनि उधुम मच्चाएको छ । युट्युबमा सबैभन्दा बढी हेरिएको लोक दोहोरी गीतको रेकर्ड यसले राखेको छ । नेपाली लोक दोहोरी गीतको इतिहासमै युट्युबमा यो गीतले नयाँ रेकर्ड बनाएको हो । यसै विषयमा पर्वत नेपाल डट कमले गायक कुलेन्द्र विश्वकर्मा सँग केही समसायिक कुरा गरेको छ ।

‘सालको पातको टपरी’ ========= बोलको गीत के कारणले चर्चित भयो ।

म संग के कारणले चर्चित भयो भन्ने त उत्तर छैन । स्रोताले रुचाउने कुरा हो । उहाँहरुले रुचाउनुभयो । स्रोताले रुचाउनुका पछाडीका कारणहरु भने मैले भन्न सक्छु । जस्तै यो गितको लय फरक छ । संगित पनि जुनसुकै मोडमा सुन्दा पनि रमाउने खालको छ । साना देखि ठुलो उमेरकाले पनि नाच्न सक्ने खालको छ । संगीत, शब्द , लय , भिडियो सबै अंग बलिया भएकोले जतिचोटि सुन्दा पनि झन्झटिलो छैन । यिनै कारणहरुले चर्चित भयो भनेर मैले सुन्ने गरेको छु ।

यो गित स्रोताले सुनेर कस्तो प्रतिक्रिया दिईरहेका छन् ।

स्रोताहरुले यो गितले सबै खाले गित सुन्ने स्रोतालाई समेट्यो भन्ने प्रतिक्रिया मैले सुनेको छु । यो गितमा कुनै उत्ताउलो भाव छैन् । शब्दहरु पनि गहकिला छन् । संगीत झर्रो छैन् । मेला महोत्सवमा पुग्दा मैले यो गित गाउनै पर्ने बाध्यतामा पर्छु । अहिलेसम्म राम्रो गित भनेर स्रोताको प्रतिक्रिया आएको छ ।

अरु लोकदोहोरी गित र यो गितमा रहेको भिन्नता के के हुन ।

अरु गितभन्दा एकदमै फरक त हैन । तर, केहि भिन्नता पक्कै छन् । अन्त्यानुप्रास मीठो भएको थेगो लेखनशैली फरक छ । हे बरै.... थेगो वा शैलीलाई मेलोडीमा ढालिएको छ । हाम्रो गाउँघरमा पाईने ठेनपनलाइ गितले छोएको छ । मौलिकपनलाई समेटेको छ । यो गितमा मैले र विष्णु माझीले स्वर दिएका छौँ । संगित बसन्त थापाको छ । भिडियोमा म र बसन्त थापा सहित मरिस्का पोखरेल हुनुहुन्छ । गुणस्तरिय छायाँकनलाई हामीले प्रयोग गरेका छौँ । नवराज पन्तका शब्दहरु दम्दार भएका कारण पनि अरु भन्दा केहि भिन्न छ ।

कुलेन्द्र विक र बसन्त थापाको यो गितमा कस्तो सम्वन्ध छ ।

हामी दुई जना मित हौँ । हामी बिच जति सुमधुर सम्बन्ध छ यो गित संग पनि हाम्रो त्यस्तै राम्रो र सुमधुर सम्बन्ध छ । मलाई उहाँले लौ यस्तो गित गाउँ भन्नुभयो । संगै मिलेर गित बजारमा ल्यायौँ । हामी दुईजनाको एउटा संयूक्त मिहेनत भएकाले हामी बिचमा संगित र लयको जस्तो सम्बन्ध छ त्यस्तै सम्बन्ध छ जस्तो लाग्छ । कुलेन्द्र र बसन्तले बराबर मिहेनत गरेर नै यो गित चर्चामा आयो भन्ने लाग्छ ।

तपाईको यो गितले सदाबहार छवि बनाउला कि हराउला ।

यो गित क्षणिक रुपमा मात्रै चर्चामा रहने र पछि हराउने खालको छैन । यो गितले एउटा पन बोकेर आएको छ । यो गित स्रोता र दर्शकका बिचमा कालजयी बन्ने विश्वास छ ।

 गित संगित हिट हुन के कुरा महत्वपूर्ण हो भन्ने लाग्छ ।

कुनै पनि गितमा संगीत, शब्द , लय नै उत्कष्ठ हुनुपर्छ । सुन्दा बित्तिकै मान्छेको मनले ग्रहण गर्ने खालको हुनुपर्छ । सिर्जना गर्ने व्यक्तिमा जाँगर हुनुपर्छ ।  मान्छेको भावनामा बहकिएर सृजना सबै हिट बन्न सक्छन् ।

यो गित पछि विष्णु माझी कहाँ होलिन भनेर खोजी भएको भन्ने सुनिन्छ नि

हुनसक्छ । फेरि विष्णु माझीको जहिले पनि खोजी भैरहेकै थियो । यो गितपछि उहाँलाई सबैले स्टेजमा पनि देख्न चाहे  र खोजी बाक्लियो होला । उहाँको विषयमा हामीले खासै जान्न खोजेनौँ । तर स्रोता दर्शक र उहाँको परिवारले आम कलाकार जस्तै बाहिर देखिए हुन्थ्यो भनेर खोजी गरेका होला । मैले बिष्णु माझीका बारेमा धेरै जानेको पनि छैन र व्याक्तिगत सावलमा बोल्नु उपयुक्त पनि नहोला ।

अन्तमा पर्वत नेपाल डट=कम=लाई के भन्न चाहानुहुन्छ ।

म पर्वतको एउटा कलाकार । पर्वत नेपाल डट=कम. भन्ने नाम सुन्दा बित्तिकै मलाई आफ्नोपनको आभास भैहाल्यो । मलाई आफ्नो गितको बारेमा जानकारी लिएर स्रोतामाझ पु¥याउन खोजेकोमा धन्यवाद दिन्छु । संधै कलाकारिता र कलाकारको बारेमा यसरी चासो र चिन्ता लिएर कुराकानी गर्नुहोला । यहाँहरुको सहयोगको अपेक्षा सहित धन्यवाद दिन चाहान्छु ।

गितको भिडियो हेर्नुहोस्