जापान । पर्वत समाज जापानको छटौँ अधिवेशन स्थगित भएको छ । अप्रिल १२ तारिख जापानको राजधानी टोकियोमा हुन लागेको अधिवेशन कोरोना भाइरस -कोभिड–१९_ का कारण स्थगित भएको हो ।  विश्वभर महामारीको रुपमा फैलिएको नोबेल कोरोना भाइरसका कारण अर्को सुचना जारी नहुन्जेल अधिवेशन सँगै पर्वत समाज जापानका सम्पूर्ण पूर्वनिर्धारित कार्यक्रम स्थगित गरिएको छ ।

पर्वत समाज जापानले आज सुचना जारी गदै समय अनुकुल हुने वित्तिकै नयाँ समय तालिका अनुसार कार्यक्रमहरू आयोजना गर्ने बताएको छ । कोरोना भाइरसका कारण विश्वभर विषम परिस्थिति सिर्जना भएकाले यस सयमको अधिकतम सदुपयोग गदै सुरक्षित तवरले रहन पनि आग्रह गरेको छ ।

पर्वत समाज जापान  पर्वत जिल्लामा जन्मिएर जापानमा अध्ययन र रोजगारीको शिलशिलामा बसोवास गदै आएका पवतेहरुको साझा संस्था हो । पर्वत जिल्लाबाट जापानमा आई विभिन्न पेशा ब्यवसाय, अध्ययन, अध्यापन सहित विविध क्षेत्रमा छरिएर रहनुभएका पर्वतेहरूलाई एउटै संस्थामा समेटेर गरि सन् २००९ यस संस्था स्थापना भएको हो ।

पर्वत समाज जापानले कोरोना भाइरसका कारण समस्यामा परे वा सहयोग चाहिएमा समाजका साथीहरुलाई सम्पर्क गर्न अनुरोध गदै सहयोग गर्ने प्रतिवद्धता समेत गरेको छ । साथै कोरोना भाइरसवाट सुरक्षित रहन हात धुन, मास्क सँगै सेनीटाइजरको प्रयोग गर्न र घरमै बस्न पनि अनुरोध गरेको छ ।

यो समाचार तयार गदै गर्दा  जापानमा हालसम्म ३०५१ जनामा कोरोनाको संक्रमण पुष्टि भएको छ । स्वास्थ मन्त्रालयको अनुसार ११३३ जना निको भईसकेको छ । जापानमा अहिलसम्म कोरोना भाइरसको कारण ८८ जनाले ज्यान गुमाएका छन् ।