Contributor, ParbatNepal
4 years ago
1241
पर्वत–गैरआवासिय नेपाली संघ (एनआरएनए) यूकेको नयाँ नेतृत्वका लागि चुनावी सरगर्मी बढेको छ । गैर आवसिय नेपाली संघ यूकेको बर्ष १९ देखी २१ को कार्यसमिति चयनको लागि यहि सेप्टेम्बर १४ तारिख निर्वाचन हुँदै छ । निर्वाचन नजिकिँदै गर्दा लायन्स क्लव अफ लण्डन हेन्डनका अध्यक्ष प्रकाश न्यौपानेले आफ्नो उम्मेदवारी दिनुभएको छ ।
न्यौपानेले इङ्गल्याण्ड राज्य समितिको सदस्य पदमा आफ्नो उम्मेद्बारी दिनुभएको हो । पर्वत जिल्ला बिहादी गाउँपालिका–२ बराचौरमा जन्मिनुभएका न्यौपाने पर्वत वेलफेयर सोसाइटी युकेको वर्तमान सचीव एवम् प्रवक्ता हुनुहुन्छ । पश्चिम लण्डनको हेयजमा परिवार सहित बस्नुहुने उहाँ एक दशक भन्दा बढी बेलायतमा बस्दै आउनु भएको छ ।
साथै उहाँले नेपाल भ्रमण बर्ष २०२० प्रवद्र्धन गर्न नेपाली राजदुतावास बेलायतले न्यौपानेलाई सामाजिक संजाल समन्वयन परिषदमा सचीवको जिम्मेवारी दिएको छ । स्वच्छ छवि भएका न्यौपानै प्रखर वक्ताको रुपमा परिचित हुनुहुन्छ । पर्वत नेपाल सँग कुराकानी गदै न्यौपानेले निर्वाचित हुने उच्च पदाधिकारी लाई निर्वाचन अगाडि गरेका प्रतिबद्धता कार्यन्वयन गनर्, जानकारी गराउन र समयमा समापन गराउन आफ्नो उम्मेद्बारी दिएको बताउनु भयो ।