पर्वत– पर्वत मंच हङकङका अध्यक्ष दुर्गा गुरुङ ‘मिलन’ जापानमा सम्मानित हुनुभएको छ । पर्वत समाज जापानले एक कार्यक्रमका बिच सम्मान गरेको हो । विभिन्न पेशा र व्यवसायमा संलग्न गुरुङ आफ्नो प्रोडक्शनमा निर्मित गुरुङ भाषा, संस्कार र सँस्कृतिमा आधारित चलचित्र ‘भेडि गोठाले’को ‘च्यारिटि सो’ गर्न जापान पुगेका बेला उहाँलाई सम्मान गरिएको पर्वत समाज जापानका अध्यक्ष सुजन जोशीले जानकारी दिनुभयो ।

पर्वत जिल्लामा जन्मिएर विभिन्न क्षेत्रमा महत्वपूर्ण योगदान पु¥याएको भन्दै गुरुङलाई सम्मान गरेको जोशीले बताउनु भयो । समाजले विभिन्न व्यक्तिहरुलाई सम्मान गदै आएको छ । सामाजिक अभियान्त एवम् पूर्व खेलाडी समेत रहेका गुरुङलाई समाजका संरक्षक ईश्वर जोशी, सल्लाहकारहरु महेश श्रेष्ठ, ओम गुरुङ र मोहन गुरुङ लगायतको टोलीले सम्मान गरेको जनाईएको छ ।

कार्यक्रममा बोल्दै सम्मानित गुरुङले पर्वतको आर्थिक तथा भौतिक विकासमा प्रवासीहरुको भूमिका महत्वपूर्ण रहेको बताउनु भयो । जन्मदिने आमा र पहिलो पाईला टेकेको धर्ती प्राणभन्दा प्यारो हुने भन्दै आफ्नो जन्मभूमिको विकास प्रति सवै प्रवासीहरु एकजुट हुनुपर्ने धारण राख्नुभयो ।

 साथै उहाँले प्रवासीहरुले उत्पादनशील क्षेत्रमा लगानी गर्नुपर्ने धारण राख्नुभयो ।कार्यक्रममा पर्वत समाज जापानका अध्यक्ष सुजन जोशीले समाजले जिल्लाको विकासमा खेलेको भूमिकाका विषयमा जानकारी गराउनु भएको थियो ।

अध्यक्ष जोशीको अध्यक्षतामा सम्पन्न भएको कार्यक्रमको संचालन समाजका महासचिव जनक सुवेदीले गर्नुभएको थियो ।